Kashi na farko (1)
Tareda Nata’ala Sambo Babi (Nasaba)
08096967800-08063673656-08056878792
Nsbgroup2000@gmail.com
Da sunan Allah mai rahama mai jinkai. Godiya ta tabatta ga Allah Mai tsarkake zuciya daga tsatsar aibobi, tsarki ya tabbatar masa mamallakin kowa da komai.
Tsira da amincin Allah su tabatta ga shugaban masu tsarkin zuciya. Shine Annabi muhammadu dan Abdullahi(S.A.W) Shugabban Manzani, cikamakin Annabawa, Shugaban Halitta, Tsira da Amincin Allah su tabatta agare shi, da iyalan gidansa Tsarkakakku, da Sahabbansa Zababbu.
Babu shakka cewa hakika ilimin Tsarkin Zuciya Ilimine wanda kowane Dan Adam yana da bukatuwa izuwa gareshi. bayan sanin alkur’ani da ilimin sanin Hadisi, to lallai sai neman ilimin (tazkiyah) wato ilimin tsarkake zuciya, wanda tsarkake zuciya ya na daga cikin abubuwan da Allah (S.W.T) ya aiko Annabinsa domin ya yiwa al’umarsa shi,
Allah (S.W.T) yace acikin littafen sa mai tsarki
Abinda yake a cikin Sammai da abinda ya ke acikin kassai suna yin tasbihi ga Allah mammallaki. Mai tsark, Mabuwayi, Mai Hikima. shine wanda ya aiko acikin Ummiyin (Marasa Rubutu da Karatu)wani Manzo daga garesu (Annabi Muhammadu)yana karanta ayoyin Allah akkansu. kuma ya na sanar da su littafe da hikima. da ya ke sun kasance gabaninsa suna cikin bata mabayyaniy) suratul jumu’ah 1-2

Kuma yace :- Na rantse da mutum da wanda ya daidaita halittarsa ya kimsa masa sabon sa da tsoron sa ga (Allah) lallai wanda ya yi kokarin tsarkake zuciyarsa ya dace, wanda ya cusa mata aikin sabo ya tabe,
suratul shams 7-10
Kuma Annabi (S.A.W.) yace
A cikin jiki akwai wata tsoka wacce idan ta gyaru to dukkan jiki ma sai ya gyaru, idan
kuwa tabaci to dukan jiki ma sai ya baci,wanan tsokar itace zuciya.
Bukhari da muslim ne suka ruwaito shi.
Kuma Annabi (S.A.W) ya ce
hakika zuciya tana yin tsatsa kamar yadda karfe ya ke yin tsatsa. abinda ya ke wanke ta, shine Ambaton Allah (zikiri).
To akan haka ne Annabi (S.A.W.) ya yiwa sahabban sa wannan gagarumin aiki. Su kuwa suka yi wa Tabi’ai, su kuwa suka yiwa tabi’u tabi’en, su kuma suka yiwa salihan Bayin Allah kamar salafus salih da waliyyai da sauran su. Wannan ne kuma ya sanya su ma mallamai suka dage kwarai da gaske wajen yiwa nasu jama’a wanna gagarumin aikin, kasancewar mallamai sune magada annabawa, kamar yadda yazo ahadisi Mallamai sunyi wannan gagarumin aikin ne ta hanyar da suka ga ya cancanci su yiwa na su jama’ar ya yin da wadansu daga cikin su, suka rubuta litafai da dama domin barwa wadanda zasu taso.
Daga cikin wadannan littafai akwai:-
• Ilmul kulubi, Abu Dalibul Makiy.
• Makashifatul kulubi, hujjatul islami Abu Hamidul Gazali.
• Qutul kulubi, Abu Dalibul Makiy.
• Arisala, Imamul kushairi.
• Ihya’u Ulumidden, hujjatul islam Abu hamidul Gazali.
To wanna dalilin ne shima wani bawan Allah, daga cikin manyan malamman wanna yankin namu na afrika, Mallami, kuma waliyi, masanin Alkur’ani da hadisi, fikhu da nahawu, kuma shakiki ga sheikh
Usmanu bin Fodiyo,(R.A.). mai suna Abdullahi bin fodiyo, wanda ake yiwa alkunya da Abdullahi Gwandu, ya rubuta wani wani litatfe mai albarka, wanda ya sanyawa suna TAHAZIBUL INSANI MIN KHISALISH SHAIDAN (tsarkake mutum daga halayen shaidan) Wannan littafe ya kunshi bayani ne akan yadda halin zuciya yak e da kuma fasulla gida uku.
1. Fassali na farko yana bayani ne akan hanyoyin da shaidan ya ke bi ya shiga cikin zuciya.
2. Fassali na biyu, yana bayani ne akan kashe-kashen zukata, yadda zukata suka rarrabu suka bambanta. Ma’ana mai tsoron Allah, da wacca ta lallace kwata-kwata, da wadda take tsaka tsaki.
3. Fassali na uku ya na bayani ne akan yadda za’a horar da zuciya ayi mata tarbiya, kuma a tsarkake ta daga cututtuka. Sai kuma hatama (cikawa) inda shekh Abdullahi gwandu, ya yi bayani agame da yadda za’a yiwa yara tarbiyya, har su girma cikin kyakyawan halaye da nagarta.
Babbu shaka duk da kasancewar wannan littafe karami, to amma yana kunshe da abubuwa masu muhimmanci agaremu, har dai awannan lokaci da al’umma ta lallace sabili da lallacewar zukata. Akarshe ina rokon Allah (S.W.T.) da ya yi gafara ga mawallafin wannan littafe, Abdullahi Gwandu, Allah ya dada haskaka masa kabarinsa, dashi da ya yansa Sheikh Usmanu bin Fodiyo Mujaddidu zaman, ni kuma Allah ka yafe mini kura-kuran da wata kila na yi wajen fassara wannan littafe, tare da kwadayin ladar Abin da na fassara dai-dai, Allah ka amfanar da mu abinda ya ke a cikin wanna littafe, Allah Ya yiwa iyayenmu gafara, ni da ku gabaki daya, Amin suma Amin. Allah dai ya taimake mu, ya bamu yawancin rai, da kwanciyar Hankali awannan kasar tamu ta nijeriya. Kuma Allah ya taimake mu Amin, domin alfarmar Ma’aiki (S.A.W) wassalam.